ММУ Қазақстан филиалының оқытушысы Аймолдина А.А. 2021 жылы Нидерландыда өткен AILA конгресінде марапатталды

Филология кафедрасының доценті, PhD докторы М.В. Ломоносов атындағы ММУ Қазақстан филиалының ғылыми-зерттеу секторының меңгерушісі. А.А.Аймолдина екі ірі ғылыми іс-шараға: Нидерландының Гронинген университеті ұйымдастырған AILA 2021 (15-20 тамыз) қолданбалы тіл білімінің конгресіне және МакГилл университетінде өткен (Монреаль, Канада) LPP 2021 Халықаралық ғылыми-практикалық конференциясына (26-28 тамыз) қатысты.

2021 жылғы 15-20 тамыз аралығында Dryfta онлайн-платформасында (https://aila2021.dryfta.com) Гронинген университеті (Нидерланды) ұйымдастырған Халықаралық қолданбалы лингвистикалық қауымдастық (AILA) эгидасымен Дүниежүзілік қолданбалы тіл білімі конгресі болып өтті (World Congress of Applied Linguistics AILA 2021).

Халықаралық қолданбалы тіл білімі қауымдастығы (AILA – Association Internationale de Linguistique Appliquée) 1964 жылы Францияда құрылған, қолданбалы лингвистиканың ұлттық және аймақтық бірлестіктерінің халықаралық федерациясы болып табылады. AILA құрамына әлемнің түкпір-түкпірінен қолданбалы лингвистикамен айналысатын 10000-нан астам зерттеушілер мен практиктер бар. AILA -ның Дүниежүзілік конгресі әр үш жыл сайын бүкіл әлемнің екі-үш мыңға жуық қолданбалы тіл мамандарын жинайды. Биылғы Дүниежүзілік конгресс Гронинген университеті (Нидерланды) профессор, доктор Маржолиджн Х.Верспурдың төрағалық етуімен өткізілді.

Конкурстық іріктеу нәтижелері бойынша, филология кафедрасының доценті, PhD докторы, ММУ Қазақстан филиалының ғылыми секторының меңгерушісі А.А. Аймолдина «Қазақстанның жұмыс орнындағы ағылшын тілі» баяндамасы бірден екі наградаға ие болды, олар: Халықаралық қолданбалы тіл білімі қауымдастығының сыйлығы – AILA ынтымақтастық сыйлығы және «Көптілді мәселелер» баспасының наградасы – Көптілділік бойынша марапат. Бұл наградалар өз елінде қолданбалы тіл білімі мен білім беру саласында елеулі жетістіктерге қол жеткізген ғалымдарға беріледі, олардың жұмысы зерттеу жұмысының сапасымен және өзектілігімен ерекшеленеді. Дүниежүзілік конгрестің ашылу салтанатында нәтижелерді қауымдастықтың вице-президенті, профессор Азира Хашим таныстырды.

Дүниежүзілік конгрестің ашылуында Қолданбалы тіл білімі қауымдастығының президенті, профессор Даниэль Перрин мен ұйымдастыру комитетінің төрағасы, профессор Маролин Х.Васпур құттықтау сөз сөйледі. Пленарлық мәжілісте Астаэр Пенникук, Дайан Ларсен-Фриман, Кармен Муноз, Цюфанг Вен, Ханс-Джорг Шмидт (Ханс-Дж Шмид, Симон Пфеннингер) сияқты танымал шетелдік лингвистер баяндама жасады.

***

Сонымен бірге, осы жылғы 26-28 тамыз аралығында доцент А.А. Аймолдина Макгилл университеті (Монреаль, Канада) ұйымдастырған LPP 2021 «Тіл саясаты мен тілді жоспарлаудағы пәнаралық тәсілдемелер» атты Халықаралық ғылыми-практикалық конференцияға қатысып, «Қазақстандық жұмыс орнындағы дискурсіндегі тіл саясаты» тақырыбында баяндама жасады. Конференция McGill University онлайн-платформасында болып өтті.

Конференция барысында доцент А.А. Аймолдина тіл білімі, тіл саясаты мен білім беру саласындағы зерттеу жүргізген белгілі ғалымдардың дәрістерін тыңдап, дөңгелек үстелдер мен пікірталастарға қатысты. Спикерлер қатарында Пенсильвания университетінің құрметті профессоры Нэнси Х.Хорнбергер (АҚШ), Монреаль университетінің профессоры Патрисия Ламарре (Канада), профессор Х.Сами Алим (Ұлыбритания) болды.