ММУ Қазақстан филиалы филология кафедрасының оқытушылары Vanity Book Fair халықаралық конференциясына қатысты

2023 жылғы 12 қазанда М.В.Ломоносов атындағы ММУ экономика факультетінің Тілдер және мәдениетаралық коммуникация орталығында шет тілдер кафедрасының 45 жылдығына арналған «Vanity Book Fair» атты Халықаралық ғылыми-тәжірибелік конференциясы болып өтті. Конференция қатысушыларының баяндамалары шет тілдерін оқытудың өзекті мәселелеріне және осы саладағы соңғы әдістемелік әзірлемелерге арналды

Конференцияға қатысушыларға ММУ экономика факультетінің деканы, профессор Александр Аузан құттықтау сөз сөйлеп, қазіргі әлемде ағылшын тілін үйренудің маңыздылығын атап өтіп, конференцияның сәтті өтуіне тілек білдірді. .

Конференция секцияларында ММУ тіл мамандары да, Ресейдің жетекші білім беру ұйымдарының мамандары да әзірлеген түрлі мамандықтарға арналған заманауи оқу құралдары мен кешендер ұсынылды.

ММУ Қазақстан филиалының филология кафедрасының атынан ағылшын тілі оқытушылары Л.А. Задорожная және А.Р. Сулькарнаева қатысып, «Ғылыми мәтін магистратурада шет тілін оқытудың негізі ретінде» тақырыбында баяндама жасады.

Л.А. Задорожная әріптестеріне Мәскеу мемлекеттік университетінің Қазақстандағы филиалында «Қолданбалы математика және информатика», «Математикалық модельдеуге арналған ағылшын тілі» мамандықтары бойынша оқитын филиал магистранттарына арналған оқу-әдістемелік құрал туралы айтып берді. Бүгінгі таңда бұл оқу құралы оқу үрдісінде белсенді түрде қолданылады.

Конференцияда Мәскеу мемлекеттік университетінің Қазақстан филиалының «Филология» мамандығы бойынша оқитын магистранттары үшін дайындалған жаңа ұжымдық оқу-әдістемелік әзірлеме де ұсынылды. Авторлары – ММУ филология факультеті ағылшын тіл білімі кафедрасының доценті А.В. Рудакова мен И.В. Световидова және де Филиалдың филология кафедрасының доценті А.Р. Сулькарнаева.

Конференция туралы толығырақ ақпаратты келесі сілтемелер бойынша алуға болады:

https://www.econ.msu.ru/departments/fl/News.20231013185158_7739/

https://www.youtube.com/watch?v=nMxvejBFQ7Q

https://www.youtube.com/watch?v=crb-XDHJ7Vc