Іргелі және қолданбалы математика кафедрасының профессоры Е.Д. Нұрсұлтанов РУДН университетіндегі Халықаралық конференцияға қатысты

2023 жылғы 14-19 қараша күндері Мәскеу қаласында Патрис Лумумба атындағы Ресей халықтар достығы университетінде РҒА корреспондент-мүшесі, Еуропа ғылым академиясының академигі Л.Д.Кудрявцевтің туғанына 100 жыл толуына арналған «Функционалдық кеңістіктер. Дифференциалдық операторлар. Математикалық білім беру мәселелері» тақырыбындағы VI Халықаралық конференция болып өтті.

Академик Л.Д. Кудрявцев 200-ден астам ғылыми еңбектің авторы, оның ішінде математикалық талдау бойынша белгілі оқулықтың авторы. Ол функционалдық кеңістіктерді енгізу теориясына және оларды дербес дифференциалдық теңдеулердің шекаралық есептерінің теориясына қолдануына үлкен үлес қосты.

Конференцияға функциялар теориясы, функционалдық талдау, дифференциалдық теңдеулер, спектрлік теория және математиканың басқа салалары бойынша жетекші мамандар қатысты. Конференцияны ұйымдастырушылар – Ресей ғылым академиясының В.А.Стеклов атындағы Математика институты, М.В.Ломоносов атындағы Мәскеу мемлекеттік университеті және Ресейдің Патрис Лумумба атындағы халықтар достығы университеті.

Конференцияда Ерлан Дауытбекұлы Нұрсұлтанов «Integral operators in Morrey spaces». тақырыбында баяндама жасады.

Мәтін және сурет: Іргелі және қолданбалы математика кафедрасы