Новости

Анонс каз:  АСТАНА, 14 сәуір – Sputnik. М.В.Ломоносов атындағы ММУ Қазақстан филиалында студенттердің, магистранттар мен жас ғалымдардың XVIII «Ломоносов-2023» конференциясы өтуде. Оған Қазақстан, Ресей, Армения, Тәжікстан, Түркия, Өзбекстан мемлекеттерінің 51 университетінен қатысуға ниет білдірген 300-ден астам өтінім келіп түсті.
Название каз:  ММУ Қазақстандағы филиалында «Ломоносов-2023» конференциясы өтуде
Подробно каз: 

Конференцияға қатысушыларды ММУ ректоры, академик Виктор Садовничий құттықтады. Қатысушыларға құттықтауларын Ресей Федерациясының Қазақстандағы Төтенше және Өкілетті Елшісі Алексей Бородавкин, ҚР Ғылым және жоғары білім министрі Саясат Нұрбек жолдады. Сондай-ақ, Россотрудничество басшысының орынбасары Алексей Полковников құттықтау сөз сөйледі.

ММУ Қазақстан филиалының директоры, профессор Александр Сидорович Пленарлық мәжілісте сөйлеген сөзінде «Бүгінде Қазақстанның игілігі үшін табысты еңбек етіп жүрген ММУ Қазақстан филиалының көптеген түлектері еңбек жолын университеттегі осы «Ломоносов» конференциясынан бастағанынн ерекше атап өтті.

«Ал олардың көпшілігі студенттік шақтан бастап ғылымға қызығушылық танытып, «Ломоносов» халықаралық конференциясына қатысып, оның жеңімпаздары мен жүлдегерлері атануы арқасында үлкен жетістіктерге жетіп, кандидаттық диссертацияларын қорғады. Биыл біз он сегізінші конференцияны өткізіп отырмыз, бұл ғылым мен Мәскеу университеті» деген сөздердің біріктіретін ұлы істің жалғасы болып табылады», - деді Александр Сидорович.

Өз сөзінде ол сонымен қатар филиалды дамыту жоспарларымен бөлісіп, соның бір үлгісі ретіндегі жаңа деңгейдегі жасанды интеллект бағдарламаларын құра алатын мамандарды дайындау үшін «Есептеу технологиялары мен жасанды интеллект әдістері» бағытындағы магистратура ашылатыны туралы тоқталып өтті. Сондай-ақ өңірлерді төмен көмірсутекті дамыту бағдарламасы ашылуы, сонымен бірге Мәскеу университетінің Жоғары аударма мектебімен бірлесіп бағдарлама ашу жоспарланып отырғаны туралы атап өтті.

Конференцияның ашылу рәсіміне ҚР Президенті жанындағы Ұлттық Құрылтайдың мүшесі, Білім беру сапасын қамтамасыз ету тәуелсіз агенттігінің бақылау кеңесінің төрағасы Жақсыбек Құлекеев, ҚР Ақпарат және әлеуметтік даму вице-министрі, Мәскеу университеті магистратурасының түлегі Евгений Кочетов қатысты.

Жаксыбек Кулекеев

Конференцияның пленарлық отырысындағы баяндамасында Жақсыбек Құлекеев Мәскеу университетінің орнын "ММУ Қазақстан филиалының қалыптасуының арқасында бүгінде біз Мәскеу университетінің зияткерлік әлеуетін пайдалануға мүмкіндік алдық. Олар - еліміздің әлеуметтік-экономикалық өмірі үшін Қазақстан филиалы дайындап жатқан мамандар», - деп ерекше атап өтті.

Сондай-ақ конференцияда математика, қолданбалы математика, экономика, филология, экология және табиғатты пайдалану бойынша республикалық ғылыми-зерттеу жұмыстары конкурсының бірінші турының жеңімпаздары мен жүлдегерлері атанған студенттерге дипломдар табыс етілді.

«Ломоносов-2023» конеренциясының секцияларында іргелі математиканың заманауи мәселелеріне, математикалық модельдеу және ақпараттық технологияларға, 21 ғасырдағы әлеуметтік-экономикалық өзгерістер жағдайында қазіргі экономикалық ғылымның даму тенденцияларына, Қазақстанның облыстары мен қалаларының дамуының геоэкологиялық мәселелеріне арналған, Еуразия әлемінің тарихы, мәдениеті мен құндылықтары, филология ғылымының өзекті мәселелері бойынша 250-ден астам баяндама тыңдалады. Жеңімпаздар сертификаттармен және дипломдармен марапатталады.

Атап өтетін мәселе, осынау конференция Мәскеу мемлекеттік университетінде өткізілетін «Ломоносов» халықаралық жастар ғылыми форумының құрамдас бөлігі болып табылатындығы. Қазақстан филиалында 2005 жылдан бері он жеті конференция өткізілген болатын, оларға 6,5 мыңнан астам адам қатысты, 800-ден астам жас ғалымдар жүлде алып, жеңімпаз атанды. Осы жылдар ішінде 150-ден астам жоғары оқу орындарының, атап айтқанда, Қазақстан, Ресей, Әзірбайжан, Армения, Беларусь, Грузия, Қырғызстан, Молдова, Тәжікстан, Өзбекстанның, Ұлыбритания, Германия, Қытай, АҚШ, Түркия, Франция университеттерінің өкілдері қатысып, конференцияда баяндамалар жасады.

>>> Фотогалерея

[Дереккөз]

Читать далее

Анонс каз:  М.В.Ломоносов атындағы ММУң Қазақстандағы филиалында «Есептеу технологиялары және жасанды интеллект әдістері» магистрлік бағдарламасы ашылады. Бағдарламаның ғылыми жетекшісі физика-математика ғылымдарының докторы, М.В. Ломоносов атындағы ММУ есептеу математикасы және кибернетика факультетінің профессоры. Шишкин Алексей Геннадьевич.
Название каз:  Алексей Шишкин: «Магистрлік бағдарлама жасанды интеллект модельдерін дамыту мен пайдаланудың барлық қызықты және перспективалық бағыттарын қамтиды»
Подробно каз: 

М.В.Ломоносов атындағы ММУң Қазақстандағы филиалында «Есептеу технологиялары және жасанды интеллект әдістері» магистрлік бағдарламасы ашылады. Бағдарламаның ғылыми жетекшісі физика-математика ғылымдарының докторы, М.В. Ломоносов атындағы ММУ есептеу математикасы және кибернетика факультетінің профессоры. Шишкин Алексей Геннадьевич.

- Филиалда аталған бағдарлама неліктен ашылды?

- Соңғы жылдары әлемді «жасанды интеллект» сөзі ерекше баурап алды, Бұл ұғым, көбінесе, қияли нәрсе ретінде түсініледі. Шын мәнінде, бұл - компьютерлік технология дамуының кезеңті бір кезеңі, оның ерекшелігі сонда, ол орасан зор ақпаратты жинау, сақтау және өңдеуді сапалы жақсартуға негізделген өнімділігі жоғары болатын есептеу жүйелерін құрудағы сапалы секірісі арқасында мүмкін болып отыр.

Алайда, жасанды интеллекттің қарқынды дамуына қарамастан, соңғы онжылдықта оның деңгейі әлі де жетілдіруді керек етеді, сонымен бірге оларды әртүрлі салаларда кеңінен қолданылатын соңғы өнім түрінде енгізуге қабілетті мамандар да жеткіліксіз. Сондықтан жасанды интеллект әдістері мен технологияларына арналған жаңа оқу бағдарламаларын ашу керек. Бұл магистрлік бағдарлама заманның осындай талаптарына беретін жауабымыз болып табылады.

- Өте қызықты екен, сонда бұл бағдарлама бойынша магистранттар қандай пәндерді меңгеруі көзделіп отыр?

- Қазіргі кезде айтарлықтай өзгеріп жатқан ақпараттың құрылымы мен көлемінің, сондай-ақ оны өңдеу алгоритмдеріне байланысты қуатты графикалық процессорлар саны көп жаңа компьютерлер кең қолданылып келеді. Сондықтан аталған бағдарламаның бірқатар пәндері өнімділігі жоғары есептеу жүйелерінің, ақпараттар қорының архитектурасы мен бағдарламалық қамтамасыз етуін, сонымен қатар қазіргі заманғы параллельді бағдарламалау технологиялары мен ақпаратты өңдеу алгоритмдерін зерттеуге арналатын болады.

Әрине, осы бағдарламада машиналық оқыту мен мәліметтерді өңдеу әдістерін зерттеуге көп көңіл бөлінеді. Студенттерге мәліметтерде бар заңдылықтар мен тенденцияларды анықтау көмегімен мол мәліметтер жиынын өңдеу және зерттеу үшін пайдаланылатын мәліметтерді интеллектуалдық талдау бойынша курстар ұсынылатын болады.

Әдетте, мұндай заңдылықтарды дәстүрлі талдау тәсілдерімен анықтау мүмкін емес, өйткені қатынастар тым күрделі немесе деректердің көлемі шамадан тыс ауқымды болып келеді. Студенттер сонымен қатар терең нейрондық желілердің әртүрлі архитектуралары және оларды үлкен деректер жиынынан нақты ақпаратты алу үшін пайдалану жолдары туралы біледі. Жеке курстардың мазмұнында әртүрлі нақты салаларда нейрондық желілерді қолдану әдістерін егжей-тегжейлі таныту көзделеді. Қазіргі уақытта компьютерлік көрудің барлық тапсырмалары түрлі кіріс деректерін өңдеуге мүмкіндік беретін үйірткілі нейрондық желілерді қолдану арқылы жақсы шешіледі. Мұндай нейрожелілер кескіндерден, суреттерден пайдалы ақпарат алып, биомедицинадан бастап көліктің автономды жүруіне дейін өмірдің түрлі салаларында қажет тану алгоритмдерін жасай алады. Магистранттардың қызығушылығын тудыратын тағы бір пән «Табиғи тілдерді өңдеу әдістері» деп аталады. Соңғы жылдары бұл салада үлкен тілдік модельдердің пайда болуына байланысты елеулі өзгерістер пайда болды. Оның мысалын ChatGPT сәтті қолданылуынан көре аламыз. Ойымызды түйіндей келе, жаңа магистрлік бағдарлама жасанды интеллект модельдерін дамыту мен пайдаланудың барлық ең қызықты және перспективалық бағыттарын қамтитыны айтқымыз келеді.

- Бағдарламада математикалық модельдеу курстары қандай орын алады?

- Бағдарлама аясында студенттер математикалық модельдеу және сандық әдістер бойынша курстар оқитын болады. Математикалық модельдеу ғылыми зерттеулердің маңызды құралдарының бірі, ол жүріп жатқан процестерді визуализациялауға, оқиғалардың дамуын зерттеуге және болжауға және қажет болған жағдайда зерттелетін жүйені басқаратын параметрлердің мәніне түзетулер енгізуге мүмкіндік береді.

  - Бағдарламаның артықшылықтары қандай?

- Бағдарламаның артықшылықтарын айтқанда, мұндай математикалық модельдеу әдістерін, заманауи есептеу технологияларын және машиналық оқыту алгоритмдерін және деректерді талдауды біріктіретіндігіне назар аудару керек. Бұл ретте бірінші кезекте студенттердің алған білімін іс жүзінде қолдана алу дағдысын қалыптастыруға үлкен көңіл бөлінеді. Күрделі практикалық есептерді шешудің жаңа тәсілдерін меңгеру бағдарлама түлектеріне жасанды интеллект алгоритмдерін пайдалану және оларды өнімділігі жоғары есептеуіш жүйелерде енгізу негізінде әртүрлі модельдерді құрудың тиімді әдістерін табуға мүмкіндік береді. Бағдарламаны меңгеру барысындағы түлектердің жасанды интеллект әдістерін қолдану бойынша білімі мен дағдылары жетекші компаниялар мен ғылыми ұйымдарға жұмысқа орналасудағы басты артықшылықтарының бірі болады.

- Оқыту барысында практика немесе нақты жобаларды жүзеге асыру бар ма?

- Сөзсіз бар. Студенттер ЖИ технологияларының көмегімен түрлі қолданбалы есептерді шешуге қажетті білім алып, оларды тәжірибеде қолдану дағдыларын да игеретін болады. Айталық, «Заманауи машиналық оқытудың фреймворктері» курсы толығымен Python тіліндегі кескінді, дыбысты, уақыт қатарын өңдеу тапсырмаларын шешуге және енгізуге арналған. Бұдан басқа, әр студенттің өзін қызықтыратын жобасы болады. Сол жоба бойынша тәжірибелі оқытушылар жетекшілік етіп, жасанды интеллект технологияларын көмегімен шешім жасау моделін әзірлеу қажет болады. Содан кейін оны жұмыс істейтін қолданба ретінде іске қосыңызасыру міндеті шешіледі. Бұл ретте, көптеген жоба тақырыптарын олардың жедел және тиімді шешілуіне мүдделі нақты компаниялар анықтайтын болады.

- Бағдарлама түлектер үшін қандай болашақ даму жолдары бере алады? Түлектер қандай салаларда жұмыс істей алады?

- «Есептеу технологиялары және жасанды интеллект әдістері» магистратура бағдарламасы қолданбалы есептерді шешудің математикалық модельдерін әзірлеуге және соңынан оларды ғылыми және өндірістік қызметінде пайдалана отырып, жасанды интеллекттің түрлі қосымшаларын жасауға қабілетті маман даярлауды міндет етіп қойып отыр. Түлектер жаратылыстану ғылымынан бастап экономикалық және әлеуметтікке дейінгі түрлі процестерді зерттеу негізінде заманауи математиканы қолдана отырып, математикалық және есептеу тұрғысынан дұрыс модельдер құра алатын болады. Магистрлік диссертацияны қорғағаннан кейін студенттер жасанды интеллект және үлкен деректер, ақпараттық-коммуникациялық технологиялар, бағдарламалаудың дәстүрлі салаларында жұмыс істей алады. Бағдарламаның түлектері барлық салада дерлік сұранысқа ие кең профильді мамандар болады деп айтуға болады.

- Оқуға түсуде студенттерден қандай да бір дағдылар болуы талап етіле ме? Бұл бағдарламаға оқуға түсу барысында нені ескеру қажет?

- Бұл бағдарлама түрлі математикалық түсініктер мен әдістерді қолдануға сүйенеді, сонда, сөзсіз, студенттер математиканың есептеулер, сызықтық алгебра және ықтималдықр теориясы сияқты салалары бойынша тірек білімдері болуы керек, әрине. Дегенмен, біз оқушылардың математикалық дайындық деңгейінің түрлі болуы мүмкін екенін түсінеміз және мұны ескереміз. Сонымен қатар, осы магистрлік бағдарламада математиканың белгілі бір саласында білімін тереңдетуді қалайтындар сәйкес арнаулы курстарды таңдау арқылы өз ойын іске асыра алады. Атап кетейін, оқуға түсуде бағдарламалаудың тірек дағдылары болуы, соның ішінде, ең алдымен, Python тілінде бағдарламалай білуі қажет екенін ескеремін.

Читать далее

Анонс каз:  2023 жылғы 5-7 сәуір күндері Филиалдың «Математика» бағытының түлегі Ақпан Дінмұхаммед пен математика мамандығының 4 курс студенті Талипов Талант Қазақстан Республикасының Ғылым күніне орай өткізген Алматы қаласындағы Математика және математикалық модельдеу институтында өткен Халықаралық математикалық конференцияға қатысты. Биылғы жылы конференцияға Қазақстан, Ресей, Өзбекстан, Грузия, Польша, Түркия, Аргентина, Үндістан, Қытай, Чехия, АҚШ математиктері қатысты.
Название каз:  Филиал студенттері математикалық конференцияда сөз сөйледі
Подробно каз: 

2023 жылғы 5-7 сәуір күндері Филиалдың «Математика» бағытының түлегі Ақпан Дінмұхаммед пен математика мамандығының 4 курс студенті Талипов Талант Қазақстан Республикасының Ғылым күніне орай өткізген Алматы қаласындағы Математика және математикалық модельдеу институтында өткен Халықаралық математикалық конференцияға қатысты. Биылғы жылы конференцияға Қазақстан, Ресей, Өзбекстан, Грузия, Польша, Түркия, Аргентина, Үндістан, Қытай, Чехия, АҚШ математиктері қатысты.

Ақпан Дінмұхаммед – Филиалдың 2022 жылғы түлегі, ол қазір М.В. Ломоносов атындағы ММУ механика-математика факультетінің магистранты. Дінмұхамед жастығына қарамастан, аталған конференцияда «Нийенхейс операторының өрістері: жіктеу мәселелері және геодезиялық эквивалентті метрика» тақырыбында пленарлық баяндама жасау құрметіне ие болды.

Талипов Талант – механика-математика факультетінің дифференциалдық геометрия және қолданбалы қолдану кафедрасының 4 курс студенті. Ол «Алгебра, математикалық логика және геометрия» бөлімінде «Громов-Хаусдорф қашықтығы және ультраметриялық кеңістіктер» тақырыбында баяндама жасады.

Дәстүрлі Сәуір конференциясына қатысқан Дінмұхамед пен Талант тағы бір мәрте Қазақстан математиктеріне Филиалдағы ғылыми кадрларды дайындаудың жоғары деңгейін паш етті.

Сәуірдегі Халықаралық математикалық конференция – Қазақстанда жыл сайын өтетін ірі халықаралық конференциялардың бірі.

Конференцияның негізгі мақсаттары:

• математикалық зерттеулердің барлық түрлеріндегі теория мен практика бойынша математиктерге еркін ақпарат пен пікір алмасу мүмкіндігін беру;

• іргелі және қолданбалы математикалық зерттеулердің соңғы нәтижелерімен танысу;

• дүние жүзіндегі және Қазақстандағы математика ғылымының қазіргі жағдайын және даму жолдарын талқылау.

Мәтін: Іргелі және қолданбалы математика кафедрасы

Сурет: Дінмұхаммед Ақпан мен Талант Тәліпов

Читать далее

Анонс каз:  Филиал директоры, Мәскеу мемлекеттік университетінің құрметті профессоры А.В.Сидорович ММУ Қазақстан филиалының жоғары сынып оқушыларына арналған олимпиадасы туралы сұрақтарға жауап берді.
Название каз:  Филиалда өтетін олимпиада нәтижелері бойынша қабылдау емтихандарынсыз ММУ Қазақстан филиалына оқуға түсуге болады!
Подробно каз: 

Филиал директоры, Мәскеу мемлекеттік университетінің құрметті профессоры А.В.Сидорович ММУ Қазақстан филиалының жоғары сынып оқушыларына арналған олимпиадасы туралы сұрақтарға жауап берді.

1. Александр Владимирович, 2023 жылы ММУ Қазақстан филиалының олимпиадасын өткізуді қалай бағалайсыз?

Бұл - филиал өміріндегі үлкен оқиға. Біз алғаш рет олимпиадаға қатысу нәтижелері бойынша талапкерлерге түсу емтиханынсыз Филиалға түсу құқығын беретін олимпиаданы өткізу құқығына ие болдық. Біз - Мәскеу университетінің осындай олимпиада өткізетін жалғыз филиалымыз.

2. Филиалға өткен жылдардағы олимпиадалардың қорытындысы бойынша түсу кезінде олардың жеңімпаздары мен жүлдегерлері, егер олимпиада Ресей Білім және ғылым министрлігінің тізіміне енгізілген болса, Филиалға оқуға түсе алады. Бұл ереже жойылды ма?

Бұл ереже жойылған жоқ, алайда Мәскеу университетінің ректоры, академик Садовничий В.А. бұйрығына сәйкес, ММУ Қазақстан филиалының олимпиадасының жеңімпаздары мен жүлдегерлеріне олимпиада нәтижелері бойынша Филиалға түсуге арнайы құқық беріледі.

3. ММУ Қазақстан филиалының олимпиада жеңімпаздары оқуға түскен кезде қандай жеңілдіктерге ие болады?

ММУ Қазақстан филиалының математика, география және орыс тілі бойынша олимпиадасының жеңімпаздары мен жүлдегерлері оқуға түсу кезінде есепке алынатын жоғары балл алады. Толық ақпарат келесі аптада жарияланады.

4. Олимпиаданың жеңімпаздары мен жүлдегерлері шілде айында Филиалға қабылдау тестілеріне қатыспауына болады және олардың олимпиада нәтижелері оқуға түсу кезінде есепке алынатын болғаны ғой сонда?

Өте дұрыс. Дегенмен, жеңімпаздар мен жүлдегерлер маусым айында Филиалға оқуға түсуге өтініш беруі керек.

6. Алған жеңiлдiктi баллдарды Мәскеу мемлекеттiк университетiнiң немесе басқа жоғары оқу орындарының факультеттерiне түсу үшiн пайдалануға бола ма?

Жоқ, болмайды. Сіз бұл ұпайларды ММУ Қазақстан филиалына кез келген оқу саласына құжат тапсырған кезде ғана пайдалана аласыз.

7. Олимпиада қандай формада және қай қалаларда өтеді?

Толықтай жазбаша түрде. Қазіргі уақытта Олимпиада өтетін орындар анықталуда және жақын арада жарияланады.

8. Олимпиаданың қорытындысы қалай шығарылады?

Ректор Садовничий В.А. бұйрығына сәйкес, ММУ және Филиал оқытушыларының қатарынан қазылар алқасы құрылып, жұмыстарды бағалап, жеңімпаздар мен жүлдегерлерді анықтайтын болады.

Читать далее

Анонс каз:  2023 жылғы 28 наурыз күні «Евразия» спорт кешенінде волейбол турнирінің финалдық ойындары болып өтті.
Название каз:  Қарсы командаға – шыныққандардан сәлем!
Подробно каз: 

2023 жылғы 28 наурыз күні «Евразия» спорт кешенінде волейбол турнирінің финалдық ойындары болып өтті. Жарысқа 10 команда қатысты. Жеребе тартылып, командалар екі кіші топқа бөлінді. Бірінші кіші топтан плей-офф кезеңіне екі команда шықты:ВM-21 және Э-21, ал екіншісінен - Г-31 және ВM-11. Финалдық ойындар кіші топтардың жеңімпаздары арасында «қарама-қарсы» қағидасымен өткізілді. Жарыстың бас төрешісі - ӘГП кафедрасының дене шынықтыру пәні мұғалімі Клюкина Елена Ивановна.

Экономистердің математиктермен кездесуі турнирдегі ең қызықты және тартысты ойындардың бірі болды. Э-21 командасы аз ойыншымен ойнады, қарсыластарынан бір ойыншы кем болды. Бірінші сетті ВМ-21 командасы артықшылықпен бастады, бірақ Э-21 қарсыласын қуып жетті. Жақсы ұйымдастырылған қорғаныс пен күшті шабуылдардың арқасында экономика факультетінің студенттері екінші сетте жеңісті иемденді. Үшінші сеттегі тартыс бұдан да қызықты өтіп, екі команда ойыншылары өздерінің күш-қуаты мен шеберлігін көрсетті.

Математиктер мен экологтар арасында өткен кездесу чемпиондыққа талас ойыны болды. Бұл командалар өткен жылдың финалында кездесіп, ВМ-21 алтын алған болатын. Бұл ойынға деген қызығу мен шиеленісті қоса түсті, ойын барынша толыққанды және серпінді болды, әр команда өзінің күшін және шеберлігін көрсете алды.

Нәтижесінде ВМ-21 турнирдің абсолютті чемпионы атанды. Екінші орынды Г-31 тобы жеңіп алды. Турнирдің қола жүлдесін ВМ-11 командасы иеленді.

Турнирге қатысушылар ойыннан алған әсерлерімен бөлісті.

«Турнир жақсы өтті. Біз бүкіл сетті жеңіп алдық. Финалда біраз кедергі кездесті. Биылғы жылы бірінші курс студенттері былтырғыдан әлдеқайда жақсы ойнағанын атап өткім келеді. Бір қуантарлығы, университетімізде мықты, спортқа бейім жігіттер көп. Баршаңызға оқуда, спортта сәттілік пен табыс тілеймін», - деді 3 курс студенті Қасымбеков Диас.

«Ойын өте керемет өтті деп ойлаймын. Топтық кезеңде біз бес ойын ойнадық. Оның бесеуінде де жеңіске жеттік. Ол деген сөзбен айтып жеткізе алмайтын сезім. Күшті әсер алдық. Ең бастысы, біз командамыздың ауызбіршілігі мен бірлігінің арқасында жеңіске жеттік. Осы турнирді ұйымдастырған кафедра мұғалімдеріне алғысымызды білдіреміз», – деді «Қолданбалы математика және информатика» бағытының 2 курс студенті Шәку Жәңгірхан.

Ойын барысында командалық рух сезімін, спорттық толқуды және қайталанбас эмоцияларды жас спортшылар ғана емес, ойын алаңынан тыс көрермендер де сезінді. Турнирдің барлық қатысушыларына белсенділіктері үшін алғысымызды білдіреміз және жаңа спорттық биіктерге жетулеріне тілектеспіз!

Мәтін: Кенжехан Нұрғалиев

Сурет: Арыстан Шукенов в

Читать далее

Анонс каз:  Мәскеу университетінің ректоры академик В.А. Садовничий ММУ Қазақстан филиалының Олимпиадасын өткізу туралы бұйрық шығарды. Бұйрық бойынша Олимпиада жеңімпаздары мен жүлдегерлеріне ММУ Қазақстан филиалына қабылданған кезде жеңілдіктер алуға (олимпиадада алынған нәтижелерді есептеу үшін) құқық береді.
Название каз:  Мәскеу мемлекеттік университетінің Қазақстан филиалының олимпиадасын өткізу туралы бұйрық шығарылды, ол Филиалға түсуге жеңілдік береді!
Подробно каз: 

Мәскеу университетінің ректоры академик В.А. Садовничий ММУ Қазақстан филиалының Олимпиадасын өткізу туралы бұйрық шығарды. Бұйрық бойынша Олимпиада жеңімпаздары мен жүлдегерлеріне ММУ Қазақстан филиалына қабылданған кезде жеңілдіктер алуға (олимпиадада алынған нәтижелерді есептеу үшін) құқық береді.

Математика, орыс тілі және география пәндері бойынша олимпиада 2023 жылдың 29-30 сәуірінде өтеді.

Олимпиадаға қатысуға тіркелу 28 сәуірге дейін.

Олимпиада туралы Филиалдың сайты мен оның әлеуметтік желілерінде берілетін ақпаратты бақылап отырыңыз.

Читать далее

Название каз:  Жаңа «Есептеу технологиялары және жасанды интеллект әдістері» магистратура бағдарламасы
Подробно каз: 

М.В.Ломоносов атындағы ММУ Қазақстан филиалы «Есептеу технологиялары және жасанды интеллект әдістері» жаңа магистрлік бағдарламасын ашады.

Бағдарламаның өзіндік ерекшелігі – математикалық модельдеу әдістерін, заманауи есептеу технологияларын және машиналық оқыту алгоритмдері мен деректерді талдау әдістерінің үйлестірілуі, бұл бағыт бағдарлама түлектеріне жасанды интеллект әдістерін қолдана отырып түрлі модельдерді құрудың тиімді әдістерін табуға және оларды жоғары өнімді есептеуіш жүйелерде іске асыруға мүмкіндік береді.

Бағдарламаны меңгеру математикалық және сандық талдау саласындағы білімді тереңдетеі және бағдарламалау дағдыларын дамытады.

Түлектер жаратылыстану ғылымынан бастап экономикалық және әлеуметтік процестерге дейін әртүрлі процестерді зерттеу негізінде, заманауи математиканы пайдалана отырып, математикалық және есептеу тұрғысынан дұрыс модельдер құруға қабілетті болады.

Бағдарлама ММУ есептеу математикасы және кибернетика факультетінің соңғы жылдары жинақтаған үлкен әдістемелік және практикалық тәжірибесі негізінде жүзеге асырылады. https://cs.msu.ru 

Бағдарламаның ғылыми жетекшісі - физика-математика ғылымдарының докторы, М.В. Ломоносов атындағы ММУ есептеу математикасы және кибернетика факультетінің профессоры Шишкин Алексей Геннадьевич.

Читать далее

Название каз:  Қазақстан Республикасының жоғары оқу орындары арасында Республикалық ғылыми-зерттеу және тәжірибелік-конструкторлық жұмыстар конкурсының II кезеңін ұйымдастырып өткізу үшін ММУ Қазақстан филиалы Филология: орыс тілі; орыс тілі мен әдебиеті; Математика (мысалы); «Математика» (жаратылыстану, магистратура) мамандықтары бойынша базалық жоғары оқу орны болып белгіленді
Подробно каз: 

Қазақстан Республикасы Ғылым және жоғары білім министрлігі Жоғары және жоғары оқу орнынан кейінгі білім комитетінің 03.04.2023 жылғы № 01-5 / 108-1-вн хатына сәйкес, М.В.Ломоносов атындағы ММУ Қазақстан филиалы Қазақстан Республикасының жоғары оқу орындары арасында жаратылыстану, техникалық, әлеуметтік-гуманитарлық және экономикалық ғылымдар бойынша 6В02301 (6В02302) Филология: орыс тілі; 6В01702 (5В011800) Орыс тілі мен әдебиеті; 6В05401 (5В060100) – Математика (жаратылыстану); 7M05401 «Математика» (жаратылыстану, магистратура) мамандықтары арасында Республикалық ғылыми-зерттеу жұмыстар конкурсының ұйымдастырып өткізу үшін тірек ЖОО болып белгіленді.

Жоғары оқу орындарының басшыларынан конкурстың 2-кезеңіне қатысу үшін студенттердің үздік жұмыстарын қағаз және электронды тасымалдағыштарда («Республикалық ғылыми-зерттеу және тәжірибелік-конструкторлық жұмыстар конкурсына» белгісімен) ұсынуын сұраймыз. Мекенжайымыз: 010010, Астана қаласы, Қажымұқан Мұңайтпасов атындағы көше, 11, 705-бөлме, М.В.Ломоносов атындағы ММУ Қазақстан филиалы, іргелі және қолданбалы математика кафедрасы. Анықтамалар үшін телефон: +77051024434, kopezhanova@mail.ru (математика); Филология кафедрасы, +7 7014647720, filkfmsu@mail.ru (филология).

Жұмыстар 2023 жылғы 6 сәуір мен 8 мамыр аралығында Қазақстан Республикасы жоғары оқу орындары студенттерінің ғылыми-зерттеу жұмыстарының жыл сайынғы конкурсын ұйымдастыру және өткізу жөніндегі Ұсынымдарға сәйкес қабылданады.

Читать далее

Анонс каз:  2023 жылғы 17 наурыз күні ММУ Қазақстан филиалының қазақ тілі оқытушылары секциясының ұйымдастыруымен Филиалдың барлық оқу бағыттарының студенттері дайындаған дәстүрлі мерекелік концерт болып өтті.
Название каз:  Көктемгі Наурыз мейрамы қарсаңында ММУ Қазақстан филиалында мерекелік концерт болып өтті
Подробно каз: 

Наурыз – көктемдегі Күн мен Түннің теңелетін күні. Бұл күні табиғаттың қыстың тонын шешіп, көктемнің көгілдір көйлегін киіп, жылы шуағымен адамдардың жүрегіне тыныштық пен жақсылық ұялататын күн болып саналады. Бұл күн - көктемгі жаңарудың, махаббаттың, құнарлылықтың және достықтың салтанат құруының символы.

2023 жылғы 17 наурыз күні ММУ Қазақстан филиалының қазақ тілі оқытушылары секциясының ұйымдастыруымен Филиалдың барлық оқу бағыттарының студенттері дайындаған дәстүрлі мерекелік концерт болып өтті.

Студенттер, оқытушылар мен қызметкерлерге арналған құттықтау сөзінде Қазақстан филиалдың директоры, ММУ еңбек сіңірген профессоры А.В. Сидорович мереке күндері әрқашан туыстары мен достарының ортасында болуды тіледі.

Студенттер, оқытушылар мен қызметкерлерге арналған құттықтау сөзінде Қазақстан филиалдың директоры, ММУ еңбек сіңірген профессоры А.В. Сидорович мереке күндері әрқашан туыстары мен достарының ортасында болуды тіледі.

«Экономика» бағытының 1 курс студенттері «Сырға салу» дәстүрін сахналады, ал «Экология және табиғатты пайдалану» бағытының 2 курс студенттері «Неке қию» салтын көрсетті. Беташар». «Г-21» тобының ару қыздары ұлттық биден шашу шашса, «Экономика» бағытының студенттері көктем вальсын билеп, көрермендердің көңілімен көзін қуантты.

Филологтар Наурыз мейрамының тарихын барлап, Күн, Түн және Жер-ана бейнелерінде «Күн мен Түн» қойылымын көрсетті.

Ал математика пәнінің студенттері әсем ән айтып, әдемі өлең оқып, ежелгі көшпенділердің дәстүрлі өлшем бірліктері туралы «Математика» бағытының 1 курс студенті Алмаз Сейтхазин қазақ және орыс тілдерінде баяндама жасады.

Студенттер тірі қызғалдақ гүлдерін таратып, «Шашу шашып», залды мерекелік көктемгі атмосфераға толтырды. Концерттің соңы дәстүрлі «Наурыз думан» әнімен аяқталды, оны концертке қатысушылар да, залдағы көрермендер де барлығы қосыла шырқады!

Көктем мерекесі құтты болсын!

Фото: К.С. Байрактар

Читать далее

Анонс каз:  Филиалдың экономика бағытының магистранттары Даниярова Камила мен Мухамедиева Алима EY ұйымдастырған кейс-чемпионатына қатысты. Магистранттар қатысу сертификаттарымен бірге жұмысқа тұруда болатын сұхбаттасу кезінде артықшылық беретін «HIGH PRIORITY сертификаттарын алды.
Название каз:  Филиал магистранттары EY компаниясының кейс-чемпионатының қорытындысы бойынша «HIGH PRIORITY» сертификаттарын алды
Подробно каз: 

Филиалдың экономика бағытының магистранттары Даниярова Камила мен Мухамедиева Алима EY ұйымдастырған кейс-чемпионатына қатысты. Магистранттар қатысу сертификаттарымен бірге жұмысқа тұруда болатын сұхбаттасу кезінде артықшылық беретін «HIGH PRIORITY сертификаттарын алды.

Үміткерлер байқауға қатысу үшін логика, ағылшын тілі және халықаралық қаржылық есептілік стандарттарын (IFRS) білу бойынша тестілеуден өтуі тиіс болды. Магистранттар бұл кезеңнен сүрінбей өтіп, ІІ кезеңге жолдама алды.

II кезеңде барлық қатысушылар бір команда түрлі университеттер мен мамандықтарды ұсынатындай командаларға бөлінді. Камила мен Алима әртүрлі командаларға түсті.

4 күн ішінде әр топ кейс орындап, 10 наурызда өз шешімін ұсынды. Кейс нақты мысал бойынша құрылған. Командалар бухгалтердің қызметінде түзетулер қажет пе, жоқ па, соны талдап, ұсынылған шешімдерді Халықаралық аудит стандарттарына сүйене отырып негіздеп, қазылар алқасының сұрақтарына жауап беріп, аудиторлық қорытындыны (негіздемесімен бірге) ұсынуы керек болды.

Қорғау соңында барлық командаларға қатысу сертификаттары, ал ерекше көзге түскен қатысушыларға EY іріктеу кезеңдерін өтуге басымдық беретін сертификаттар берілді. Олардың қатарында Даниярова Камила мен Мұхамедиева Алима сияқты үш қатысушы болды.

Қазылар алқасы жобаны өз бетінше қорғауға жеткізген Мұхамедева Алиманың табандылығы мен еңбекқорлығын ерекше атап өтті, өйткені оның командасының мүшелері қатысудан бас тартқан еді.

Магистранттарымызды құттықтаймыз және оларға жаңа жетістіктер тілейміз!

Читать далее

Анонс каз:  М.В. Ломоносов атындағы ММУ Қазақстан филиалының «Экономика» бағытының 2 курс студенттері Далия Қамбарова мен Максим Матухно филология кафедрасының доценті, PhD докторы Аймолдина Әлия Аманжолқызының жетекшілігімен М.В. Ломоносов атындағы ММУ экономика факультетінің Тіл және мәдениетаралық коммуникация орталығы ұйымдастырған «BUSINESS SKILLS CONTEST: ELEVATOR PITCH» атты2023 жылғы 1 қаңтардан 31 қаңтарға дейінгі кезеңде (сырттай тур) және 15 ақпаннан 28 ақпанға дейін (күндізгі тур) Халықаралық университетаралық студенттер байқауына қатысты.
Название каз:  Қазақстан филиалының студенті «BUSINESS SKILLS CONTEST: ELEVATOR PITCH» халықаралық университетаралық студенттер конкурсының жеңімпазы атанды
Подробно каз: 

М.В. Ломоносов атындағы ММУ Қазақстан филиалының «Экономика» бағытының 2 курс студенттері Далия Қамбарова мен Максим Матухно филология кафедрасының доценті, PhD докторы Аймолдина Әлия Аманжолқызының жетекшілігімен М.В. Ломоносов атындағы ММУ экономика факультетінің Тіл және мәдениетаралық коммуникация орталығы ұйымдастырған «BUSINESS SKILLS CONTEST: ELEVATOR PITCH» атты2023 жылғы 1 қаңтардан 31 қаңтарға дейінгі кезеңде (сырттай тур) және 15 ақпаннан 28 ақпанға дейін (күндізгі тур) Халықаралық университетаралық студенттер байқауына қатысты.

Байқауға қатысу үшін қатысушы әлеуетті инвесторлар үшін ағылшын тілінде өзінің стартапының (elevator pitch) бейнетаныстырылымын дайындауы тиіс болды. Бірінші турдың қорытындысы бойынша Д. Қамбарова байқаудың финалына жолдама алды.

Күндізгі турда конкурстық іріктеуден өткен қатысушылар бір минут ішінде ағылшын тілінде спонтанды монолог сөйлеу дағдыларын көрсетті. Байқауға қатысушылардың өнерін ағылшын тілінде іскерлік коммуникация саласындағы бизнес өкілдері мен сарапшылардан тұратын қазылар алқасы бағалады.

Қорытынды тапсырманы орындауға 14 жоғары оқу орнынан келген 46 өкіл қатысып, қорытындысы бойынша ММУ Қазақстан филиалының студенті Д. Қамбарова жеңімпаз атанды.

Байқаудағы жеңісіңізбен құттықтаймыз және барлық бастамаларыңызға одан әрі табыс тілейміз!

Дереккөз: https://www.econ.msu.ru/departments/fl/News.20230225200708_4547/

Читать далее

Анонс каз:  Конференция атақты әдебиеттанушы және лингвист академик В.В. Виноградовқа арналып өткізілді. Бұл іс-шара Мәскеу қалалық педагогикалық университетінде 1997 жылдан бері дәстүрлі түрде өткізіліп келеді. XVII Виноградов оқулары «Филология ғылымдарының тарихы және қазіргі заман» тақырыбында 2023 жылғы 3-4 наурыз күндері онлайн форматта болып өтті.
Название каз:  «ВИНОГРАДОВ ОҚУЛАРЫ» Халықаралық ғылыми конференциясына ММУ Қазақстан филиалының филология кафедрасы оқытушылары қатысты
Подробно каз: 

Конференция атақты әдебиеттанушы және лингвист академик В.В. Виноградовқа арналып өткізілді. Бұл іс-шара Мәскеу қалалық педагогикалық университетінде 1997 жылдан бері дәстүрлі түрде өткізіліп келеді. XVII Виноградов оқулары «Филология ғылымдарының тарихы және қазіргі заман» тақырыбында 2023 жылғы 3-4 наурыз күндері онлайн форматта болып өтті.

Филология кафедрасының меңгерушісі Г.И. Власова «Орыс әдебиеті мәдениеттер диалогында» секциясында «Қазіргі орыс және орыстілді әдебиеттегі жергілікті «қазақстандық» мәтін» атты баяндама жасады.

«Фольклордың түрлі қырынан танылуы» атты секцияда оқылған профессор Т.В. Кривощапованың «ХХ ғасырдың екінші жартысындағы әдеби ертегінің фольклорлық интермәтіні» тақырыбындағы баяндамасы үлкен қызығушылық туғызды.

Виноградов оқуларының «Лингвистикалық зерттеулердегі синхрония және диахрония» және «Көркем мәтінді лингвистикалық талдау» атты лингвистикалық секцияларда доценттер Г.П. Байғарин мен С.М. Треблер және аға оқытушы М.А. Брянская баяндама жасады.

Г.П. Байғарина «Көркем мәтіндегі белгісіздік көрсеткіштерінің дискурсивті мүмкіндіктері туралы» тақырыбын ұсынды, С.М. Треблер «Лингвистикалық карталардың тарихи түсініктемелері» тәжірибесімен бөлісті. М.А. Брянская өз баяндамасында конференцияға қатысушыларға «Тілді оқытуға антропоцентристік көзқарас шеңберінде мәтінді лингвомәдениеттанулық талдау принциптері» туралы баяндап берді.

 

Атап өтетін жайт, Виноградов оқулары халықаралық конференциясына қатысу Филиалдың филология кафедрасының оқытушылары үшін игі дәстүрге айналып келеді және филология ғылымының тарихы мен замануи дамуын, сондай-ақ пәнаралық гуманитарлық проблемаларды талқылаудың тағы бір мүмкіндігіне айналып отыр.

Текст: кафедра филологии

Читать далее

Название каз:  Филиал директоры профессор А.В.Сидорович ЕУҚ Атқару комитетінің төрағасы болып сайланды
Подробно каз: 

Еуразиялық университеттер қауымдастығының XV конгресі Мәскеу университетінде 2023 жылғы 2 наурызда өтті. Қауымдастықтың президенті, М.В.Ломоносов атындағы ММУ ректоры, академик В.А. Садовничийдің төрағалық етуімен, әлемнің 18 елінен келген 125 университет өкілдері Үлкен Еуразия кеңістігіндегі ғылыми және білім беру кеңістіктерін жақындастыру жолдарын талқылады. Филиал директоры, Мәскеу мемлекеттік университетінің құрметті профессоры А.В. Сидорович ЕУҚ Атқару комитетінің төрағасы болып сайланды.

[Мәскеу университетінің сайтында толығырақ]

Читать далее

Анонс каз:  2023 жылғы 26 ақпанда М.В.Ломоносов атындағы ММУ Қазақстан филиалында кәсіптік бағдар беру мазмұнындағы кездесулер аясында Қазақстан аймақтарының мектеп оқушылары үшін онлайн режимінде Ашық есік күні өтті.
Название каз:  Ашық есік күні
Подробно каз: 

2023 жылғы 26 ақпанда М.В.Ломоносов атындағы ММУ Қазақстан филиалында кәсіптік бағдар беру мазмұнындағы кездесулер аясында Қазақстан аймақтарының мектеп оқушылары үшін онлайн режимінде Ашық есік күні өтті.

Ашық есік күні жексенбінің шуақты күнімен сай келіп, ерекше жылулықпен басталды. Жақында көктем келеді және онымен бірге түлектер үшін оқу жылы да аяқталады, сонымен бірге бұл – өзгерістер уақыты, есейіп, үлкен өмірге аяқ басу және болашақ мамандықты таңдау уақыты.

ММУ Қазақстан филиалы болашақ талапкерлер мен олардың ата-аналарын құшақ жая қарсы алды. Кездесуді ашқан ММУ Қазақстан филиалының директоры, Мәскеу университетінің құрметті профессоры Александр Владимирович Сидорович: «Бүгін біз сіздерге өмірлік жолыңызды, болашаққа жолыңызды таңдауға көмектесу үшін жиналдық!» – деп сөз бастады.

Өзінің көпжылдық тарихында Мәскеу университеті, шын мәнінде, әлемдік ғылым мен білімнің орталығына айналды. Ал Қазақстан филиалы Астана қаласындағы Мәскеу университетінің құрамдас бөлігі болып табылады. Директор 2022 жылы Қазақстан филиалына жаңа ғимарат берілгенін, бұл жағдайдың университеттің мүмкіндіктерін кеңейтетінін, оқудың жаңа бағыттары ашылып, студенттерді көбірек қабылдайтынын атап өтті. А.В. Сидорович Филиалдағы әрбір оқу бағытына егжей-тегжейлі тоқталып, таңдалған бағыттардың қай-қайсысы да іргелі білім беретінін, ол білім бағдарламаларының әрбірі өз саласы бойынша жан-жақты дамыған жоғары білікті маман қалыптастыруға бағытталғанына арнайы тоқтап өтті. Сондай-ақ, магистранттарға арналған бөлек кездесу болатынын айтып, жаңа магистрлік бағдарламалдардың ашылуы туралы тоқталды.

Ашық есік күнінің жалғасында Мәскеу университеті факультеттерінің профессорлық-оқытушылық құрамның өкілдері сөз сөйледі. Түлектер үшін ашылатын білім беру ерекшеліктері мен мансаптық перспективалар туралы физика-математика ғылымдарының кандидаты, ММУ доценті Максим Петрович Заплетин; Филиалдың математикалық модельдеу кафедрасының меңгерушісі, ММУ доценті Леонид Владимирович Крицков; филология ғылымдарының кандидаты, ММУ доценті Оксана Анатольевна Волошина; ММУ Қазақстан филиалының экология және табиғатты пайдалану кафедрасының меңгерушісі, ММУ профессоры Виктория Расуловна Битюкова; экономика ғылымдарының кандидаты, ММУ доценті Нина Игоревна Никитина баяндап берді..

Кездесу соңында Директор талапкерлердің 2023 жылғы қабылдау емтихандарының мерзімі мен форматы туралы сұрақтарына жауап берді, Филиалдағы оқытудың «қашықтан оқу– күндізгі оқу моделінің» ерекшеліктерін түсіндірді, студенттердің Мәскеудегі ММУ жатақханаларында өмір сүру жағдайлары туралы егжей-тегжейлі айтып берді. Жиынға қатысушыларға Қазақстан филиалының студенттері түсірген Астана қаласындағы «ММУ Студенттер үйі» туралы бейнеролик көрсетілді.

Іс-шараның жалғасы талапкерлер оқу бағыттарының әрқайсысы бойынша жасақталған виртуалды аудиториялардағы кездесулермен жалғасты. Кафедра оқытушылары қабылдау емтихандарына дайындалу бойынша маңызды кеңестермен бөлісіп, ММУ Қазақстан филиалы студенттерінің ғылыми және мектептен тыс өмірі туралы әңгімеледі.

Біз Ашық есік күніне қатысушыларға алғыс айтамыз және болашақ студенттерді жаңа кездесулерде – ММУ Қазақстан филиалының студенттері қатарында күтеміз!

Читать далее

Анонс каз:  2023 жылғы 17 ақпанда филология кафедрасының студенттері мен оқытушылары белгілі ресей тілші-ғалымы, іргелі лингвистикалық теориялардың авторы, Мәскеу семантикалық мектебінің ұйымдастырушысы Юрий Дереникович Апресянмен кездесті. Кездесуге сонымен қатар В.В. Виноградов атындағы Орыс тілі институтының жетекші ғылыми қызметкері Валентина Юрьевна Апресян қатысты.
Название каз:  ММУ Қазақстан филиалындағы академик Ю.Д. Апресяннің дәрісі
Подробно каз: 

2023 жылғы 17 ақпанда филология кафедрасының студенттері мен оқытушылары белгілі ресей тілші-ғалымы, іргелі лингвистикалық теориялардың авторы, Мәскеу семантикалық мектебінің ұйымдастырушысы Юрий Дереникович Апресянмен кездесті. Кездесуге сонымен қатар В.В. Виноградов атындағы Орыс тілі институтының жетекші ғылыми қызметкері Валентина Юрьевна Апресян қатысты.

Филология кафедрасының меңгерушісі Галина Ивановна Власова құттықтау сөз сөйлеп, орыс тіл ғылымы саласында аты аңызға айналған тұлғамен кездесу кафедраның барлық студенттері мен оқытушылары үшін үлкен мәртебе екенін ерекше атап өтті. Сондай-ақ Г.И.Власова Мәскеу мемлекеттік университетінің филология факультеті орыс тілі кафедрасының доценті И.В. Галактионоваға осындай кездесуді ұйымдастырғаны үшін алғысын білдірді.

Академик Ю.Д. Апресян заманауи лингвистикалық білім берудің негізін салушылардың бірі болып саналады, оның ғылыми еңбектері көптеген тілдерге аударылған. Қазіргі уақытта Ю.Д.Апресян жетекшілік етуімен Орыс тілінің белсенді сөздігін жасау жұмысы жүріп жатыр. Өзінің ғылыми қызметімен академик Апресян сөздік жасау дегеннің өзі дүниенің семантикалық құрылымын, онымен бірге адам танымының құрылымын түсінудің бірегей тәсілі екенін көрсетті.

Академиктің дәрісі сөйлемдегі тіл бірліктері мағыналарының өзара байланысы мәселесіне арналып құрылды. Нақты тілдік мысалдарға сүйене отырып, Ю.Д.Апресян орыс тілі синтаксисінің ерекшеліктерін, яғни бір-екі компонентті ғана өзгерту арқылы тұтас сөйлемнің мағынасын өзгерту мүмкіндіктерін көрсетті. Дәріс соңында студенттерге лингвистикалық есептер шығару ұсынылды. Көрермендер шешімнің мүмкін нұсқаларын ұсына отырып, үлкен белсенділікпен қатысты. Сондай-ақ сөздікті құрастыру ерекшеліктері, сөз мағыналарын реттеуде туындауы мүмкін қиындықтар, сондай-ақ сөздік мақалаларына концептуалды метафораларды енгізу туралы сұрақтар қойылды.

Директордың оқу ісі жөніндегі орынбасары Тамара Григорьевна Котлярова орыс тіл білімінің танымал көшбасшысы Юрий Дерениковичке ММУ Қазақстан филиалының қабырғасында тілдесу бақытын сыйлағаны үшін алғысын білдірді. Т.Г. Котлярова академик Апресянды ММУ ҚФ жаңа ғимаратына келіп тамаша дәрістерін оқуға шақырды.

Академик өз жауабында Қазақстанның мейірімді және қонақжай ел екенін, Астананың да әлемнің басқа астаналарында кездестірмейтіндей, таңғаларлық тату адамдар екенін атап өтті. Қазақстан филиалындағы кездесуден естелік ретінде және алғыс ретінде Ю.Д.Апресянға сыйлық табыс етілді.

Фото: Евгения Воронова  

Читать далее

Анонс каз:  2023 жылғы 14 ақпанда ММУ Қазақстан филиалы қабырғасында «Математика» бағытының 1 және 2 курс студенттері мен Филиалдың 2021 жылғы түлегі Есбай Еркінмен кездесуі өтті.
Название каз:  ФИЛИАЛ ТҮЛЕКТЕРІМЕН КЕЗДЕСУ
Подробно каз: 

2023 жылғы 14 ақпанда ММУ Қазақстан филиалы қабырғасында «Математика» бағытының 1 және 2 курс студенттері мен Филиалдың 2021 жылғы түлегі Есбай Еркінмен кездесуі өтті.

Еркіннің өзі бастамашы болған кездесудің мақсаты студенттерге әрі қарай оқуда пайдалы болатын тәжірибе алмасу болған еді. Кездесу барысында Еркін балаларға өзінің студенттік өмірінен түрлі өрнектер келтіріп, қазір не нәрсеге көңіл бөлген дұрыс екендігі туралы ойымен бөлісіп, кеңестер берді. Студенттерге өз мүмкіндіктерін қалай және қай жерде көрсете алатыны туралы айтты.

Сондай-ақ, Мәскеуде үшінші курста оқу туралы, кафедра мен ғылыми жетекші таңдау туралы егжей-тегжейлі айтылды. Студенттер қонақпен бірге оқуды аяқтағаннан кейінгі қадамдарды, табысты мансап құру үшін қандай дағдылар мен құзыреттер пайдалы болатындығы жөнінде талқылады.

Кездесу өте қызықты өтті. Студенттер көптеген пайдалы кеңестер алды және өздерін қызықтырған көптеген сұрақтарға жауаптар алды.

Есбай Еркін – 2021 жылы «Математика» бағыты бойынша бакалавриатын үздік бітірген Филиалдың түлегі. Ол ММУ механика-математика факультетінің математикалық статистика және стохастикалық процестер кафедрасында оқыды. Қазіргі уақытта Швейцариядағы Лозанна Федералдық Политехникалық мектебінде (École polytechnique fédérale de Lausanne) магистратураның 1 курсында оқиды – Applied Mathematics қолданбалы математика бағыты бойынша техникалық мамандықтарды оқытатын әлемдегі жетекші университеттердің бірі.

Фото: Асыл Бараков

Читать далее

Анонс каз:  2023 жылғы 9-10 ақпанда «Филология» бағытының 2 курс студенттері «Орыс тілі ХХІ ғасырда: жастардың ғылыми ізденістері» атты Х Халықаралық студенттердің ғылыми конференциясына қатысты.
Название каз:  Филология факультетінің студенттері Л.Н. Гумилев атындағы ЕҰУ халықаралық ғылыми конференциясына қатысты
Подробно каз: 

2023 жылғы 9-10 ақпанда «Филология» бағытының 2 курс студенттері «Орыс тілі ХХІ ғасырда: жастардың ғылыми ізденістері» атты Х Халықаралық студенттердің ғылыми конференциясына қатысты.

Бұл жыл сайынғы конференцияның ұйымдастырушысы – Л.Н. Гумилев атындағы ЕҰУ Теориялық және қолданбалы лингвистика кафедрасы және оған биылғы жылы серіктес болып Сургут мемлекеттік педагогикалық университетінің филология факультеті қосылды. Конференция аралас форматта ұйымдастырылды. Мерейтойлық конференцияға Қазақстан, Ресей, Венгрия және Польшадан келген жас филологтар қатысты.

Құттықтау сөзбен ММУ Қазақстан филиалының филология кафедрасының профессоры Т.В. Кривощапова іс-шараның тұсаукесерін жасап, студенттерді құттықтап, табыстары тіледі. Сөйлеушілер арасында тіл мамандары басым болды, өйткені белгіленген төрт бөлімнің үшеуі лингвистикалық болды, олар: «Қазіргі орыс тілі және лингводидактика негіздері», «Мәдениетаралық коммуникация, мәдениеттер диалогы», «Бұқаралық ақпарат құралдарындағы орыс тілі». Ал төртінші бөлім «Көркем шығармалардың тілдік табиғатын зерттеудің ерекшеліктері» деп аталып, оған жас әдебиеттанушылардың басын қосты.

ММУ Қазақстан филиалының стулденттері келесі тақырыптарда баяндама жасады:

«Синкретизм «Майор Гром» комиксінің роман-новеллизациялануының жанрлық белгісі ретінде» (Д. Вишневский);

 

«Сөзжасамдық окказионализмдер медиамәтінді экспрессиялау құралы ретінде» (А. Жұмалина);

 

«Тіл мен мәдениеттің өзара әрекеттесуіндегі сөйлеу этикеті» (М. Әнуарбекова);

 

«Э.Зайферттің «Қарағандының сиқырлы жер асты патшалығы немесе Қуат Мұсатайдың басынан кешкендері» ертегісінің фольклорлық-мифологиялық мәнмәтіні. (Е. Дуцинин);

 

«В.К. Кучелбекердің «Агасвер» поэмасының композициясы (Д. Костишина);

 

«Борис Костяев бейнесінің архетипі (Виктор Астафьевтің «Қойшы мен шопан» әңгімесі) (А. Осипова);

 

«Н.В. Гогольдің ерте кезде жазған прозасының фольклорлық және мифологиялық мән-мәтіні» (М. Парфенова);

 

«Е.И. Замятиннің «Біз» романының жанрлық ерекшелігі». (А. Соколовский).

         «Словообразовательные окказионализмы как средство экспрессивизации медийного текста» (А. Жумалина);

         «Речевой этикет во взаимодействии языка и культуры» (М. Ануарбекова);

         «Фольклорно-мифологический контекст сказочной повести Е. Зейферт "Волшебное подземное царство Караганда, или приключения Куата Мусатая"» (Е. Дуцинин);

         «Композиция поэмы В.К. Кюхельбекера "Агасвер"» (Д. Костишина);

         «Архетип образа Бориса Костяева (повесть Виктора Астафьева «Пастух и пастушка») (А. Осипова);

         «Фольклорно-мифологический контекст ранней прозы Н.В. Гоголя» (М. Парфенова);

         «Жанровое своеобразие романа Е.И. Замятина "Мы"» (А. Соколовский).

По итогам конференции 1-е место занял Дмитрий Вишневский, 3-е место поделили между собой Мариям Ануарбекова и Егор Дуцинин.

         Мы поздравляем наших студентов с призовыми местами и желаем дальнейших успехов в научной деятельности!

Читать далее